Bywši wučomnicy su nětko młodźi rjemjeslnicy

Dienstag, 05. September 2017
Artikel bewerten
(0 Stimmen)
Mjez młodymi rjemjeslnikami z dwanaće powołanjow w Budyskim wokrjesu je moler Bosćij Šołta z Hórkow (2. wotlěwa).  Foto: SN/Maćij Bulank Mjez młodymi rjemjeslnikami z dwanaće powołanjow w Budyskim wokrjesu je moler Bosćij Šołta z Hórkow (2. wotlěwa). Foto: SN/Maćij Bulank

74 młodych rjemjeslnikow přija zańdźeny pjatk w Budyskim Dźiwadle na hrodźe­ swoje powołanske wuswědčenje. Pjećo najlěpši běchu wuslědk „derje“ docpěli.

Budyšin (SN/MiR). Tři lěta wuknjenja su skónčene. Wokrjesny rjemjeslniski mišter Frank Scholze přepoda młodym žonam a mužam z dwanaće wšelakich powołanjow wuswědčenja. Mjeztym je wjetšina z nich swój prěni mzdowy šek w rukomaj dźeržała, dokelž běchu hnydom po wukubłanju dźěło namakali. Mjez nimi su tež štyrjo Serbja. Bosćij Šołta z Hórkow skutkuje w swojim wukubłanskim zawodźe Fuchs a Girke tzwr w Ottendorfje-Okrilli jako moler a Fabian Kocor z Chrósćic w Njebjelčanskej kormjerni swini jako rěznik. Johannes Jurš z Miłoćic bě w předewzaću Ligneus tzwr w Ottendorfje-Okrilli powołanje blidarja nawuknył. Mjeztym pak dźěła jako ćěsla w Kinsporku. Chrystof Hrjehor z Konjec dźěła jako wuwučeny třěchikryjer w zawodźe nana Měrćina Hrjehorja w Konjecach.

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND