Zmije, lawy a wěže – wosebity poskitk muzeja

Mittwoch, 11. Oktober 2017
Artikel bewerten
(0 Stimmen)
Dr. Sören Fischer a Odette Künstler (1. a 4. wotl.) powědaštaj Hannesej a Janekej Rietzschelej (2. a 3. wotl.) wo klóšterskej cyrkwi swj. Hany.  Foto: Milenka Rječcyna Dr. Sören Fischer a Odette Künstler (1. a 4. wotl.) powědaštaj Hannesej a Janekej Rietzschelej (2. a 3. wotl.) wo klóšterskej cyrkwi swj. Hany. Foto: Milenka Rječcyna

Kamjenc (SN/MiR). Kamjenske Měšćanske zběrki přeprosychu wčera dopołdnja na wosebite wodźenje po tamnišim sakralnym muzeju a klóšterskej cyrkwi swjateje Hany (St. Annen). Sydom do 14lětne dźěći mějachu składnosć, so ze stawiznami něhdyšeje klóšterskeje cyrkwje franciskanow zaběrać a drohoćinki wuměłskeho tworjenja srjedźowěka kaž tež renesancy zeznać. Institucija, kotraž so za mnohe zarjadowanja, mjez druhim wustajeńcy, koncerty kaž tež Bože słužby wužiwa, zjednoći w sebi wustajenišćo a cyrkej. Trochu škoda, zo běštaj jenož Janek a Hannes Rietzschel šansu zeznaća wužiłoj. „Sym chcył na kóždy pad wjace wo tym zhonić, kotry woznam maja na wołtarju swjateho Franciskusa zwobraznjene figury. Tuž sym z bratrom sem přišoł“, powěda Janek. Při tym překwapištaj hólcaj hižo z dosć wulkej wědu wo wustajenych twórbach. Dr. Sören Fischer, wědomostny sobudźěłaćer muzeja a sobudźěłaćerka za kulturne nadawki měšćanskeho dźiwadła Odette Künstler přeće spjelništaj.

Veröffentlicht in Kubłanje
Bitte anmelden, um einen Kommentar zu posten

Anzeige

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.