Ministerka chce šulske postajenje předźěłać

Montag, 13. November 2017
Artikel bewerten
(0 Stimmen)
Braniborska ministerka za kubłanje, młodźinu a sport Britta Ernst (SPD, nalěwo) je so minjeny pjatk w Choćebuzu wo serbskorěčnym kubłanju informowała. Zastupnicy staršiskeje iniciatiwy přepodachu jej w Delnjoserbskim gymnaziju nimale 30 000 podpismow za zachowanje wučby delnjoserbšćiny.  Foto: Michael Helbig Braniborska ministerka za kubłanje, młodźinu a sport Britta Ernst (SPD, nalěwo) je so minjeny pjatk w Choćebuzu wo serbskorěčnym kubłanju informowała. Zastupnicy staršiskeje iniciatiwy přepodachu jej w Delnjoserbskim gymnaziju nimale 30 000 podpismow za zachowanje wučby delnjoserbšćiny. Foto: Michael Helbig

Choćebuz (SN/MiR). 77 procentam šulerjow serbšćiny w Braniborskej hrozy zakónčenje serbskorěčneho kubłanja. Jako hłownu přičinu za to ma staršiska iniciatiwa za zachowanje wučby serbšćiny nowe šulske postajenje, kotrež wobmjezuje móžnosć nawuknjenja serbšćiny za kóžde dźěćo, kotrež to chce. Iniciatiwa pak wojuje wo dalše zaručenje dotal garantowaneho prawa. Pod tymle wuměnjenjemi wopyta braniborska ministerka za kubłanje, młodźinu a sport Britta Ernst (SPD) na přeprošenje staršiskeje inicia­tiwy minjeny pjatk Delnich Serbow. W Choćebuskim Delnjoserbskim gymnaziju witachu ju šulerki w błótowskej drasće po tradicionalnym serbskim wašnju z chlěbom a selu. Při domskim připrawi ministerka taflu, kotraž pokazuje na wosebity zwisk delnjoserbskeho kubłanišća z narodnej agenturu za programy Europskeje unije we wobłuku šulow Erasmus. Z tym dósta zwisk mjez kubłanišćom a strategiskim šulskim partnerstwom wosebite hódnoćenje.

Veröffentlicht in Kubłanje
Bitte anmelden, um einen Kommentar zu posten

Anzeige