Tež hdyž su runje lětnje – abo tež wulke – prózdniny, čas so spěšnje minje a přichodne šulske lěto steji před durjemi. Mnohim staršim je kup porjadneje šulskeje toboły jara wažna naležnosć, předewšěm, zo njebychu jich dźěći starosće z chribjetom dóstali. Jenož porjadna toboła pak njedosaha móžnym ćežam z chribjetom zadźěwać. To znajmjeńša měni fyzioterapeutka Katja Hellriegel z Wojerec, kotraž ma staršim, dźědam a wowkam pomocliwe pokiwy za strowe wuwiće ćěła jich dźěći a wnučkow. Silke Richter je so z Katju Hellriegel rozmołwjała.
Što po swojich nazhonjenjach z wulkej starosću wobkedźbujeće?