Mjezynarodny lětni kurs za serbsku rěč a kulturu z wjace zajimcami
Budyšin (SN/MiR). Lětuši mjezynarodny lětni kurs za serbsku rěč a kulturu Serbskeho instituta ma 45 wobdźělnikow. Woni pochadźeja z dwanaće krajow swěta. Po skupinje Němcow je ta Čechow druha najsylniša. Najdlěši přijězd mějachu třo kursisća z USA. Mjez wědomostnikami, studentami a dalšimi zajimcami staj tež Japanjan z Finskeje a w Francoskej bydlacy Kanadźan. Mjez dalšimi zastupjenymi krajemi su Awstriska, Serbiska, Słowjenska a Ukraina.
