Zhromadnje rejować

Mittwoch, 24. Juli 2019
Artikel bewerten
(0 Stimmen)
Wjetše skupiny rejwarjow wustupuja na mnohich zarjadowanjach na wsach a we městach we Łužicy. Su pak tež hižo w Berlinje byli.  Foto: Feliks Haza Wjetše skupiny rejwarjow wustupuja na mnohich zarjadowanjach na wsach a we městach we Łužicy. Su pak tež hižo w Berlinje byli. Foto: Feliks Haza

Doma, před špihelom rejować čini wjeselo. Wjetšu radosć wobradźa, hdyž přećelki a přećeljo zhromadnje rejuja. Dźěći rejwanskeje skupiny „Łužičanka“ w Chrósćicach to wědźa.

Ana-Lena Paškec rjeknje wótře: „Ja lubuju rejowanje!“ Leonora Kilankec powěda: „Moja sotra Adalena tež we ,Łužičance‘ rejuje. Njeje trjebała mje wulce přerěčeć, sobu činić.“ Felicia Šlosarjec wšitke reje rady rejuje a Oliviju Glawšec nan kóždy tydźeń do Chrósćic wozy. „Mam hudźbu rady. Hraju tež na huslach.“ Lydija Wałdźic měni: „Rejwanje čini wulki lóšt. Moja najlubša reja je ,Herr Rückwärts und Frau Falschherum‘.“ Tež Ani Horbankec ma při rejwanju wjeselo a Mariella Matikec sej wšitko spomjatkuje a doma dale rejuje. Dana Šołćic ma reju „Jank a Hanka“ za wosebje žortnu. Za Fridu Zyndźic je kóždy trening kaž nowy spočatk.

Veröffentlicht in Kubłanje

Galerie

dalši wobraz (1) Trenarjej dźěćaceje rejwanskeje skupiny „Łužičanka“ staj Alexandra Wagner a Jan Kozelnický (wotprawa).
Bitte anmelden, um einen Kommentar zu posten

Anzeige