Mnohe šansy w regionje

Donnerstag, 06. Februar 2020
Artikel bewerten
(0 Stimmen)
Nawodnica wobłuka wukubłanje w Budyskim měšćanskim zarjadnistwje Lisa Scheunig (nalěwo) je zajimcam na lětušich wikach  Nawi přichoda zańdźenu sobotu w Budyskej powołanskej akademiji rozjasniła, zo trjebaja fachowych přistajenych za zarjadnistwo.  Jej poboku běštej wukubłanči Clara Lehmann a Saskia Rudolph. Foto: Carmen Schumann Nawodnica wobłuka wukubłanje w Budyskim měšćanskim zarjadnistwje Lisa Scheunig (nalěwo) je zajimcam na lětušich wikach Nawi přichoda zańdźenu sobotu w Budyskej powołanskej akademiji rozjasniła, zo trjebaja fachowych přistajenych za zarjadnistwo. Jej poboku běštej wukubłanči Clara Lehmann a Saskia Rudolph. Foto: Carmen Schumann

Wukubłanske městna na wšitkich hospodarskich polach

Šulerjo, kotřiž po 9., 10., 12. abo 13. lět­niku šulu z wuswědčenjom wuchodźa, maja w Hornjej Łužicy mnohe šansy na powołanske wukubłanje. Na to pokazachu wukubłanske a studijne wiki Nawi přichoda zańdźenu sobotu w Budyskej powołanskej akademiji (BA). Tam zastupjene běchu předewzaća z najwšelako­rišich branšow, mjez nimi wulke zawody kaž Bombardier. Patrick Sauer, kiž je tam něhdy sam wučomnik był, pytaše za stejnišći w Budyšinje a Zhorjelcu młodych­ ludźi. W sprjewinym měsće prašeja so předewšěm za mechatronikarjemi, kotřiž maja zawodne wukubłanje přez Industrijnu a wikowansku komoru w Drježdźanach. W Zhorjelcu trjebaja twarcow jězdźidłow a fachowcow za metalowu techniku. Ći maja wukubłanje direktnje­ na městnje, a to na tamnišej powołanskej šuli. „Chcemy, zo młodźi ludźo w regionje wostanu“, rjekny Patrick Sauer. Powěsć, zo njeje Němska železnica wozy, kotrež su w Budyšinje a Zhorjelcu twarili wotewzała, jeho hněwa. Wšako bě kritiku zbudźił zmylk software, za kotryž Budyscy a Zhorjelscy twarcy ničo nje­móža.

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND