Do pandemije hišće treningowe lěhwo na kupje Mallorca přewjedli

Dienstag, 31. März 2020
Artikel bewerten
(0 Stimmen)
Marian Žur a Daniel Matka (wotlěwa, wobaj z Lejna) staj spočatk měrca w treningowym lěhwje na kupje Mallorca přebywałoj. Přihoty na sezonu 2020 pak budu po wšěm zdaću podarmo.  Foto: Marian Žur Marian Žur a Daniel Matka (wotlěwa, wobaj z Lejna) staj spočatk měrca w treningowym lěhwje na kupje Mallorca přebywałoj. Přihoty na sezonu 2020 pak budu po wšěm zdaću podarmo. Foto: Marian Žur

W socialnych syćach běchu minjene tydźe­nje wobrazy serbskeju triatletow a dalšich triatletow widźeć, kotřiž trenu­ja we wukraju. Mjez nimi bě tež Marian Žur z Lejna. Kilian Hrjehor je so z nim rozmołwjał.

Knježe Žuro, mjez wjacorymi triatletami w treningowej skupinje sće tež Wy na wobrazach w Facebooku, na Instagramje abo we WhatsApp-statusach widźeć był. Što bě to do skupiny?

M. Žur: Běchmy skupina sportowcow z Riesy, Budyšina a Lejna. Treningowe lěhwo přewjedźechmy hišće do zakaza treninga w skupinach.

Hdźe sće trenowali a kak dołho sće tam byli?

M. Žur: Přebywachmy cyłkownje tydźeń na španiskej kupje Mallorca. Mějachmy tam jara dobre wuměnjenja za treningowe lěhwo, běchmy płuwać a z kolesami po puću. Tež wutrajnostny běh steješe na dnjowym porjedźe.

Kajka bě tam situacija koronawirus nastupajo?

M. Žur: Tež tam bě wirus dźeń a bóle tema. Policija je samo k nam do hotela přišła a rjekła, zo hotel zawru, nichtó njesmě wjac hotel wopušćić kaž tež do kupjele płuwać hić. Tež kolesowanje běše zakazane, kompletnje wšitko su zawrěli.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND