Nošerjo dźěćacych dnjowych přebywanišćow pragmatisce rozrisuja

Budyšin (SN/MiR). Serbske šulske towarstwo je spěšnje na wukaz reagowało, zo maja w dźěćacych dnjowych přebywanišćach jeničce hišće dźěći zastarać, kotrychž starši skutkuja w powołanjach, kotrež su za system relewantne. Potrjecheni starši su wot dźěłodawarja přinjesli pisomne wobkrućenje, zo dyrbja na kóždy pad dale dźěłać. K za system relewantnym powołanjam słušeja mjez druhim medicinske powołanja a tajke, kotrež zaruča wěstotu w ludnosći. Tež w redakcijach skutkowacy sobudźěłaćerjo słušeja do tuteje kategorije.