Beate Tarrach je mjez tymi, kotrychž chce sakska telewizija předstajić
Drježdźany/Sowrjecy (SN/MiR). Lokalnje zakótwjene podawizny a wosoby su tema rjadu widejow „Auftakt – Kultur.Tourismus.Sachsen.“, kotryž je statne ministerstwo za wědomosć, kulturu a turizm (SMWKT) minjenu póndźelu zahajiło. Zajimcy móža sej wideja na internetnej stronje ministerstwa wobhladać. Zamołwitych pohnuło, so temje wěnować, je mjez druhim wobchadźenje z koronu. Rjad pokazuje, kak so akterojo w swojim zawodźe aktualnej situaciji přiměrjeja a na kotre wašnje stej kultura a turizm dale móžnej. „Předstajamy kulturnikow a turistikarjow, kotřiž su w času korony wulku sylnosć dopokazali“, zdźěli ministerka Barbara Klepsch (CDU).