Poskitki dźěćom w katolskich kaž tež ewangelskich wosadach
Chrósćicy/Lejno (hš/SN/JaW). W Radworju su dźensa lětuše nabožne prózdninske dny zahajili. Njewěsteje situacije koronapandemije dla njebě dołho jasne, hač je scyła přewjedu. Skónčnje pak su so zamołwići wosady tola k tomu předrěli, je nětko hač do pjatka přewjesć. Zahajili su dny dźensa rano ze zhromadnej snědanju, štož tež přichodne tři dny tak činja. Za pjatk je zhromadny wulět planowany, rěka k tomu z farskeho zarjada.