Ze 24. koparskeho turněra wo pokal Serbskeho Sokoła jako wobstatka jubileja
24. koparski turněr Serbskeho Sokoła je koparske mustwo starych knjezow Sokoła Ralbicy/Hórki minjeny pjatk w Radworju dobyło. Nětko poda so wone jako zakitowar titula do jubilejneho 25. turněra. Tón budźe klětu 30. junija w Ralbicach we wobłuku swjedźenskeho lěta „100 lět sport w Delanach“. Potom swjeći mjenujcy Ralbičanske sportowe towarstwo swój wulki jubilej. Tajkemu je tuchwilu w Radworju cyły tydźeń wěnowany. Tamniše sportowe towarstwo 1922 Radwor bě so lěto zašo załožiło. Při tutej składnosći běchu sej staru serbsku koparsku gardu přeprosyli.