Hra legendow w Běłej Wodźe

Donnerstag, 29. September 2022
Artikel bewerten
(0 Stimmen)
Trenar liškow Petteri Väkiparta  Foto: Thomas Heide Trenar liškow Petteri Väkiparta Foto: Thomas Heide
Hra legendow jako absolutny wjeršk lodohokejoweje party k 90. jubilejej lodohokeja w Běłej Wodźe slubješe wjele a to tež dodźerža. W nimale dospołnje wupředatej liščej jamje traješe jeničce hižo předstajenje protagonistow, kotřiž běchu něhdy raz přećiwnicy na lodźe, poł hodźiny. Jako prěnjeho hrajerja wuwoła reaktiwěrowany stadionowy rěčnik Andreas Friebel Wolfganga Plotku na lód. Něhdy w Běłej Wodźe njerady widźany hrajer a pozdźiši sudnik postara so přeco zaso wo momenty za husacu kožu. Dokelž je ,,młody spunt‘‘ nětko hižo 81 lět stary, bě wón chětro agilny a dósta runje telko zasadźenskeho časa, kaž druzy. Chapeau! Na dobre, cyle stare časy dopominaštaj k tomu Reinhard Fengler a Friedhelm „zick-zack“ Bögelsack. Młodu Dynamo-Berlin-generaciju reprezentowachu na přikład André Rankel, Sven Felski abo Jens Baxmann. Baxmann njeběše jenički z łužiskeho lěhwa, kotryž bě hosći z Berlina podpěrał. Tež wrotowy trenar Sakari Lindfors a Petteri Väkiparta nadběhowaštaj za Dynamo z Berlina. Mustwo liškow měješe 21 akterow w swojich rjadach.
Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND