Nowe prawidło prěni raz zasadźene

Dienstag, 22. November 2022
Artikel bewerten
(0 Stimmen)
A zaso raz je Gareth Bale Walizisku wuchował a jědnatku přetworił.  Foto: pa/AA/Evrim Aydin A zaso raz je Gareth Bale Walizisku wuchował a jědnatku přetworił. Foto: pa/AA/Evrim Aydin

Dźakowano jara lochkemu wustupej swjećeše Jendźelska z dobyćom 6:2 přećiwo Iranej poměrnje jednory zazběh do turněra. Wočakowanjam wotpowědujo přewza Jendźelska hnydom ceptar hry. Po prěnjej šansy partije, kotruž měješe Maguire po standardnej situaciji, trjechi wón jenož wonkowny sak, dóńdźe hnydom k dołhemu přetorhnjenju. Wrotar Alirez Beiranvand a škitar Maijdo Hosseinijo (wobaj Iran) běštaj mócnje hromadźe zrazyłoj. Wrotar bu dlěje hač pjeć mjeńšin lěkowany, hraješe potom skrótka dale, dyrbješe pak so skónčnje ze zranjenym nosom wuměnić. Jako hra zaso běžeše, přińdźe Jendźelska po někotrych mjeńšinach poněčim do partije. Mount zwrěšći z krótkeje distancy na wonkownym saku a Maguire z hłowu na aluminiju. Potom dźěše dyr po dyru. Po rjanej hrajnej štafeće a dokładnej flance Shawa zhłójčkowa Bellingham k nawjedowanju 1:0 (35.). Za koparja Borussije Dortmund běchu to prěnje wrota za Jendźelsku (35.). Na to dźěše hnydom přećiwo pře husto njerjadowanej defensiwy Irana čile dale. Saka trjechi po předłoze Maguirya k 2:0 (43.), krótko na to zwyši Sterling na 3:0 (45. + 1).

Veröffentlicht in Sport
Bitte anmelden, um einen Kommentar zu posten

Anzeige