Awtor dźensa

Jurij Bjeńš

Jako zahority sportowc pohladam stajnje spočatk noweho lěta, što na nas w přichodnych měsacach do sportowych wjerškow čaka. Jich budźe zaso mnoho, tež hdyž lětsa žane olympiske hry abo koparske swětowe abo europske mišterstwa muži njebudu. Hižo zajutřišim na přikład zahaji so jedyn ze swojich najlubšich turněrow, swětowe mišterstwa w mjetańcy muži. Tež němske mustwo je zaso pódla a wojuje přećiwo tamnym krajam w Pólskej a Šwedskej wo swětowy pokal.