Sorabija starosći so wo přichod instituta na Lipšćanskej uniwersiće

Lipsk (SN/MG). Institut sorabistiki na Lipšćanskej uniwersiće je akademiske kubłanišćo za serbske wučerstwo a rěčespyt. Wo tym, hač swojemu nadawkej wotpowěduje, su młodźi Serbja diskusiju nastorčili. Studenća a studentki studentskeho towarstwa „Sorabija“ su nětko ze swojeho wida na cyły rjad njedostatkow skedźbnili. Dohromady tři listy je towarstwo wosrjedź junija rozpósłało: Prěni zamołwitej za uniwersity a wysoke šule w sakskim ministerstwje za wědomosć, kulturu a turizm, Biance Seeger, druhi zamołwitej za naležnosće Serbow w Sakskej, Madlenje Malinkec; třeći rektorej Lipšćanskeje uniwersity, profesorej Rogerej Gläserej.