Sobotu nastupi prěnje wolejbulowe mustwo žonow Viktorije Worklecy doma přećiwo ST Germania Hormersdorf kaž tež přećiwo prěnjej garniturje ST Motor Mickten. Trójka wuhra prěnje pokalne koło. Cyłk ST Germania Hormersdorf je hižo w minjenej sezonje wuspěšnje w sakskej klasy hrał. Žony z Rudnych horin wobsadźichu 3. městno. Hinaši profil měješe prěnje zastupnistwo ST Motor Mickten. Drježdźanjanki hraja ligu wyše w sakskej lize. Tež woni zaměstnichu so w zašłym hrajnym kole na 3. městnje. Potajkim běštej cyłkaj za Worklečanki wosebitej přećiwnikaj, wot kotrejuž móžeše so wysoki hrajny niwow wočakować. Tutón hižo w prěnjej partiji dnja, kotraž traješe pjeć sadźbow, dopokazaštej. Hóstnej mustwje hraještej w prěnim zetkanju dnja na kwalitatiwnje wysokim niwowje. Kónčny sadźbowy staw bě 3:2 za ST Motor Mickten.
Za prěnje zastupnistwo Viktorije Worklecy běchu zasadźeni: Fanny Hassemeier, Kira Hrjehorjec, Marina Köhler, Stefanie Köhler, Anne Kurzetz, Jennifer Otto, Constance Pötschke, Kathrin Spiesec, Rejzka Rawšec a Tadeja Šefrec; trenarka: Daniela Kralec
