Hlinowski SC –
ST Radwor 2:3 (0:1)
Zestawa hosći: Ehrlich – B. Grubert, Castejon (74. Pěčak), Schäfer, Paška, Reineke, Nuk, Schöne (69. Omran), Wjacławk (82. Seiler), Glücklich, Hetaš (94. M. Grubert)
Radworčenjo hrajachu zwjetša přez lěwu stronu, hdźež steješe Reineke. Hlinowc spyta přez dołhe bule před wrota přińć. W 25. min. hraje Glücklich kožanu kulu k Reineke, kotryž njedźeržomnje direktnje do dołheho róžka třěli. Tute wrota za Radworčanow běchu chětro wažne. Nětko móžachu hosćo hru dominować. Reineke bu časćišo foulowany a jónu widźeše Hlinowčan žołtočerwjenu kartu (45.+1). Tuta njeměła jenička wostać, tež trenar domjacych dyrbješe polo wopušćić (45.+1). Po róžku skićeše so hišće šansa na 2:0, kotraž pak so njewuži.
