RCW a ZARI poskićujetej dorosćenym spochi wjac kursow serbšćiny

Budyšin (SN/mb). Podobnje projektej „Zorja“ w delnjołužiskim Dešnje móžeš sej wot klětušeho apryla tež hornjoserbšćinu w intensiwnym kursu wšědny dźeń přiswojić. Diana Pawlikowa, managerka ZARI, syće za serbsku rěč a regionalnu identitu, je našemu wječornikej wobkrućiła, zo ma kurs wosom měsacow trać. Hdźe so wotměje, hišće jasne njeje, a job docenta su wupisali. Julian Nyča, w ZARI nawoda rěčneho kubłanja, kurs přihotuje, wothłosujo so ze zamołwitym projekta „Zorja“, Maksimilianom Hasackim.