Nowa Ralbičanska pěstowarnja swjatočnje přepodata

Ralbicy (JK/SN). „Njech je tuta nowa pěstowarnja na znajmjeńša přichodnych 40 lět dom połny wjesela a zboža“, tute přeće zwurazni sakska statna ministerka za infrastrukturu a krajne wuwiće Regina Kraushaar (CDU) minjeny pjatk składnostnje swjatočneho přepodaća noweje Ralbičanskeje pěstowarnje. Wona bě nimo krajneho rady Uda Witschasa (CDU) a zapósłanče sakskeho krajneho sejma Elaine Jenčec (wobaj CDU) prominentny hósć mjez mnohimi dalšimi. Zdobom chwaleše wona konsekwentnu prócu gmejny, nowu pěstowarnju natwarić, jako wuraz regionalneho a narodneho wědomja a zamołwitosće za towaršnosć.