W Ralbicach 50. narodniny kubłanišća hódnje woswjećili
Ralbicy (SN/BŠe). Swjedźeń składnostnje 50lětneho jubileja Ralbičanskeje šule je minjeny pjatk wulku syłu hosći a zajimcow do kubłanišća wabił. Cyły tydźeń su šulerjo a wučerjo kubłanišća hižo narodniny swjećili. Pjatk popołdnju sćěhowaše skónčnje swjedźenski program jako wjeršk zarjadowanjow. Na spočatku zaspěwachu někotři šulerjo a wučerjo zhromadnje jubilejny spěw, kotryž bě Marhata Cyžec-Korjeńkowa z wulkim angažementom skomponowała a z nimi w studiju nahrawała.
