Na hrodźe Oberlichtenau nastawa akademija za nałožowany přichod
Miły nazymski wětr dawa barbnemu lisću w parku hroda Oberlichtenau wjesele rejować. Poslednje róže w najwšelakorišich barbach na zelenišćach kćěja a blisko nich steja taflički z napisom, zo móža sej zajimcy tutu pychu přirody za pjenježny dar wuryć a sej do zahrodki přesadźić. Na tute wašnje nazběrane pjenjezy maja wobnowjenju třěchi hroda słužić. W hrodźe samym pak howri wichor idejow a inspiracije. Lětsa w meji staj Christian Zöllner a Bosćij Pjaca něhdźe pjeć hektarow wulku ležownosć kupiłoj. Prěnja rumnosć je tuchwilny běrow. Před polcami w tak mjenowanym industrijowym designje leža skulptury, kiž wupadaja kaž hłowy, natykane z techniku. Njewšědne nahłowniki su z pomocu 3D-techniki tworjene. Do nich instalowane su kamery, kiž skutkuja kaž wóčko.
Zetkawać so a zeznawać
