Serbscy atleća podestne městna docpěli
Wuhódnoćenje a dostojne mytowanje prěnich třoch kóždeje starobneje skupiny Wopačanskeho cupa wotmě so minjeny kónc tydźenja. Wšitcy dóstachu pokal, po tradiciji zhotowjeny z wosebiteho kamjenja tudyšeho skałarstwa, wudźěłk hornčerstwa kaž tež wotpowědne wopismo.
Z cyłkownje 15 wubědźowanjow cupa po cyłej Hornjej Łužicy běchu dźesać najlěpšich zaso do kónčneho hódnoćenja zapřijeli. Tele wuměnjenje je dźesać serbskich lubowarjow běhanja tež lětsa spjelniło, a połojca z nich bu tež na dobyćerskim podesće wuznamjenjena. Na dobyćerskim podesće steješe Leo Čórlich z Budyšina (starobna klasa U 18/13 běhow/294 dypkow) a na bronzowym schodźenku běchu to třo: Richard Paška z Kanec (sk 20/9/277), Silvio Schade z Budyšina (sk 45/9/284) a Jurij Nuk z Budyšina (sk 80/5/144). Corinnu Měrćinkowu z Chelna počesćichu za 3. městno we walkingu z dźesać wubědźowanjemi.
Widźał, słyšał, napisał (17.10.17)
Awtor dźensa
Stefan Šmit
Hišće přeco słyšu tu a tam rozmołwy wo sportowym wjeršku w kopańcy njedawno w Chrósćicach. W třećim kole wo pokal sakskeho koparskeho zwjazka nastupi profijowe mustwo z třećeje najwyšeje ligi w małej serbskej wsy. Wjace hač 700 přiwisnikow přichwata wonu njedźelu do Chróšćanskeho stadiona, byrnjež wjedro runjewon najrjeńše njebyło. A tež hdyž je serbske mustwo na kóncu 0:5 podležało a bjez šansy na dobyće z pokalneho wubědźowanja zlećało, je hra přećiwo profijam tež hišće dwě njedźeli po tym přičina tójšto zajimawych rozmołwow. Z jedneje tajkeje sym prašenje wusłyšał, čehodla njebě kamery w stadionje, kotraž je hru nahrawała a čehodla so žane wobrazy wo hrě w telewiziji njepokazaja. Wotmołwa je cyle jednora. Jeli chce něchtó wurězki hry w telewiziji pokazać, dyrbja so prawa kóždeje jednotliweje hry wot koparskeho zwjazka kupić. Dokelž pak jednaše so wo hru třećeho koła wubědźowanja, kotrejež wuslědk bě měnje abo bóle wotwidźomny, njeje so žana redakcija za to rozsudźiła, prawa kupić.
Wuslědki (17.10.17)
Regionalna koparska liga mužow
Budissa Budyšin – Lok Lipsk 0:0 (0:0)
Choćebuz – Babelsberg4:0 (3:0)
1. Energija Choćebuz 11 32 : 2 31
2. BFC Dynamo 11 30 : 16 22
3. Fürstenwalde 11 26 : 17 20
4. Lok Lipsk 11 14 : 6 19
5. Nordhausen 11 13 : 5 19
6. Meuselwitz 11 20 : 15 17
7. Neugersdorf 11 21 : 20 16
8. Berlinski AK 11 18 : 20 15
9. Babelsberg 11 12 : 14 15
10. FC Viktoria 11 21 : 22 14
11. Halberstadt 11 20 : 22 14
12. Altglienicke 11 9 : 13 13
13. Hertha BSC II 11 14 : 20 13
14. Budissa Budyšin 11 8 : 17 13
15. Chemija Lipsk 11 7 : 18 11
16. Auerbach 11 13 : 19 9
17. Luckenwalde 11 13 : 27 5
18. Neustrelitz 11 7 : 25 4
regionalna liga – žony
Fortuna Drježdźany –Biskopicy 2:2 (1:0)
1. FC Viktoria Berlin 6 32 : 1 18
2. Magdeburgski FFC 5 25 : 2 15
3. 1. FC Union Berlin 5 19 : 5 13
4. BSC Marzahn 5 21 : 8 11
5. RB Lipsk 6 9 : 12 10
6. Steglitzski FC Stern 6 15 : 10 7
7. FC Rudne horiny Aue 6 9 : 13 6
8. 1. Fortuna Drježdźany 6 9 : 18 5
9. Biskopičanske KT 5 6 : 14 3
10. 1. FC Neubrandenburg 5 4 : 16 2
11. SZ Módro-běli Beelitz 5 0 : 19 1
12. Rostockski FC 6 4 : 35 0
W prěnim połčasu spali
ST Radwor
– Módro-běli Kulow 4:5 (0:2)
Zestawa domjacych: Kral – Schild, Henka (66. Wjeńka), Šěrak, Omran, Bejmak, Nuk, Zimmermann, Hančik, Schulze, Kurjat (93. Zähr)
Zestawa hosći: Adler – Pohl, Lohan, Korch, Popjela (63. Pfennig), Bulang, Wittek, Rettig (77. Graf), Nicolaides, Bergmann, Kubaink (93. Streicher)
Budissa koło dale
FSV Krostitz
– FSV Budissa Budyšin 0:4 (0:2)
Zestawa hosći: Große – Barnickel (63. Wockatz), Patka, Hoßmang, Hänsch (71. Bönisch), Pfanne, Gehrmann (57. Schmidt), Rosendo, Kloß, Milde, Müller
Partiju wo krajny pokal Sakskeje wuhraštej cyłkaj z Krostitza a Budyšina w Torgauwje. Regionalny koparski ligist Budissa Budyšin dźěše jako faworit do hry, dokelž hraje kontrahent jenož w krajnej klasy. W pokalnych hrach je z wašnjom, zo škita Budyske wrota Marek Große.
Wot wšeho započatka dominowachu a postajowachu hru hosćo. Hač do 26. min. móžeše hosćićel nulu dźeržeć. Njedźeržomne 1:0 docpě Paul Milde ze zdalenosće 14 metrow (26.). Budissa měješe po nawjedowanju dale wšo pod kontrolu. Krostitzčanski hrajer Enrico Köckeritz zhłójčkowa sej bul do swójskich wrotow k 2:0 (38.).
Tele 2:0 wza Budissa sobu do přestawki a hru w druhim přechodźe dale postajowaše. Někotre šansy wostachu ležo, najpozdźišo pak 3:0 (61.) přez Josefa Müllera po róžku zniči nadźije domjaceho mustwa na zaćah do dalšeho koła. Poněčim padny 4:0 (76.) přez Martina Hoßmanga. Trenar Torsten Gütschow bě z hru swojeho mustwa spokojom. Clemens Werner
Přiwšěm zasłužene dobyće
ST Zeleno-běli Sepicy
– ST Marijina hwězda 0:2 (0:2)
Zestawa hosći: O. Schmidt – Wróbl (85. Matik), Łušćanski, Jurš, Hawš, Peschmann, Kuring (83. C. Škoda), Rab, P. Schmidt (81. Pakoßnick), Eldor, Čornak
W štwórćfinalu krajneho pokala
FSV Bernau
– FC Energija Choćebuz 1:6 (0:4)
Zestawa hosći: Kamenz – Starcew (46. Baude), Grundmann, Matuwila, Schlüter, Gehrmann, Zimmer (46. Ziegenbein), Weidlich (46. Karbstein), Marcelo, Papadimitriou, Boakye
Z někotrymi personalnymi změnami, zranjenjow a chorosće dla, poda so aktualny dobyćer krajneho pokala Braniborskeje do wosmifinalneje partije pokalneho koła 2017/2018. We wrotach steješe Matti Kamenz, Max Grundmann hraješe w škitnym rjećazu a na křidle zasadźi trenar Wollitz Christosa Papadimitriouwa. Čestne wrota za Bernau třěli někotre mjeńšiny do kónca Heidrich. To pak bě w cyłej hrě jenička třělwa hosćićela na wrota. Do toho postarachu so Gabriel Boakye (13.), Marcelo De Freitas Costa (28., 40), Kevin Weidlich (42.), Marcel Baude (59.) a Björn Ziegenbein (75.) wo šěsć wrotow a wo zaćah do koła najlěpšich wosom cyłkow. Georg Zielonkowski
Wuslědki (16.10.17)
Wokrjesne koparske pokalne koło
Bart – Lubuš II3:0 (0:0)
Liegau-Augustusbad – Malešecy 0:3 (0:1)
Budyšin II – Concordia Załom 5:2 (2:2)
Hnašecy-Dobruša II – Wojerecy 0:6 (0:1)
Wulke Ždźary – Budyšin 1:4 (0:0)
Arnsdorf II – Germ. Budyšin 0:4 (0:2)
Wachau – SV Haselbachtal 0:2 (0:0)
Kubšicy/ Bukecy – Mar. hwězda 3:1 (1:1)
Wóslink/Skaskow
– Wulka Dubrawa5:0 (3:0)
Kinspork/Łužnica II – Kulow II 5:4 (2:1)
Něm. Pazlicy – Nadr. Hrabowka 5:0 (2:0)
Minakał/Wulka Dubrawa/Radwor
– Rakečanske ST1:7 (0:3)
Chrósćicy II – Ramnow 0:5 (0:2)
Ottendorf-Okrilla – Großnaund.2:4 (1:2)
Wachau II – Großröhrsdorf 0:2 (0:1)
Sport (13.10.17)
Wokrjesne pokalne koło
Na wokrjesnej runinje wuhraja druhe hłowne koło wo wokrjesny koparski pokal. Sobotu w 15 hodź. hraja na přikład Pančičanscy koparjo w Kubšicach přećiwo hrajnemu zjednoćenstwu Kubšicy/Bukecy a njedźelu w 15 hodź. wočakuje druhe mustwo SJ Chrósćicy wokrjesneho wyšeho ligista ST Drohotku Ramnow. Pokalny duel Motor Kumwałd – Sokoł Ralbicy/Hórki wuhraja 31. oktobra w 14 hodź.
Běh přez zadźěwki
Sportowe towarstwo TV Biskopicy přewjedźe 14. oktobra štwórte wubědźowanje Schiebock-běha ekstremnje 4.0. Štyri kilometry dołha kołočara powjedźe ze stadiona Wesenitzpark do měšćanskeho lěsa a zaso wróćo. Tam dyrbja wobdźělnicy tež zadźěwki přewinyć. Hłowny běh na 8 km startuja w 14.45 hodź., wurisani za dorost w 13.30 hodź. (0,9 km) a w 14 hodź (4 km).
Jürgen Croy w Dźěži
Dalši sportowy forum budźe 23. oktobra wot 18.30 hodź. we wjesnym hosćencu w Dźěži (Diehsa). Budyski sportowy reporter Hanspeter Benad je sej po Peterej Ducce a Marcelu Reifu nětko Jürgena Croya přeprosył. W předpředani dóstanjeće zastupne lisćiki pola Hanspetera Benady pod čisłom 03591/40118.
Kónctydźenska kopańca
14.10. 14:00 Jednota Kamjenc
Dwójny dyr duel rozsudźił
Hertha BSC II
– Budissa Budyšin 3:1 (0:1)
Zestawa hosći: Ebersbach – Barnickel, Hoßmang, Patka, Kunze, Rosendo (66. Hänsch), Mack (57. Müller), Weiß, Gehrmann, Bönisch (73. Milde), Schmidt
Budissy pobrachowachu z Tobiasom Heppnerom, Francom Pfanne a zranjenym Jonasom Krawčikom třo stajni hrajerjo. Hosćo agěrowachu z wěsteho škita a chcychu wrota z pomocu konterow třěleć. Tajki wjedźeše přez Maxa Gehrmanna a Jonasa Macka k 0:1 (26.). Nadźija na tři ličaki bě nětko wězo hišće wjetša. Berlin měješe w prěnim połčasu optisku přewahu, z kotrejž pak hosćićel wjele započeć njewědźeše. Tak móžeše Budissa snadne nawjedowanje sobu do přestawki wzać.
W druhim połčasu měješe Mack prěnju dobru móžnosć mjezywuslědk na 0:2 zwyšić. Bul pak wrota njetrjechi a zleća wyše łaty (47.). W 56. min. wrotar Maik Ebersbach 1:1 hišće wotwobara, wólny kop Maika Haubitza pak přizemi njedźeržomnje pod łatu we wrotach hosći (63.). Nětko steješe Budissa pod ćišćom, dokelž chcychu Berlinjenjo dobyće. Zaměnjeny domjacy hrajer Pronichev hnydom dwójce trjechi (80., 83.). Z tym bě partija rozsudźena. Clemens Werner
