Třeće městno sej wubědźił

Freitag, 13. April 2018 geschrieben von:
Jahannes Cyž (naprawo) a Syman Handrik, šulerjej 9. lětnika Serbskeje wyšeje šule „Michał Hórnik“ Worklecy, běštaj so wčera w Drježdźanach na wurisanju šulskeho předmjeta hospodarstwo, technika a domjacnosć wobdźěliłoj. W Pančicach-Kukowje a Serbskich Pazlicach bydlacaj staj so tam mjez štyrnaće wobdźělnikami z cyłeje Sakskeje wubědźowałoj, předewšěm we wušiknosći, ale tež we wobchadźenju z techniku. Syman Handrik wobsadźi třeće městno. Wotměło je so cyłodnjowske zarjadowanje znowa na Drježdźanskej Techniskej uniwersiće. Foto: Tobias Bulank

Digitalna wučbnica online

Donnerstag, 12. April 2018 geschrieben von:

Bjez přidatneho spěchowanja projekt so zwoprawdźić njehodźał

Drježdźany (SN/MiR). Dwaj ministraj a jeju zawdatej ruce, k tomu błyskanje foto­aparatow a nimale něme šwórčenje telewizijnych kamerow – tajki bě zeleny štwórtk start za digitalny poskitk www.krokpokroku.sorbischlernen.de. Prěni přitomni hladachu w medijowym a wobydlerskim centrumje sakskeje statneje kenclije w Drježdźanach hnydom na swoje smartphony, hač je poskitk serbskorěčneje digitalneje wučbnicy woprawdźe swobodnje daty.

Wabja wjace Rusow a Ukrainjanow

Donnerstag, 12. April 2018 geschrieben von:

Frankfurt nad Wódru/Słubice (RD/SN). Europska uniwersita Viadrina w Frankfurće nad Wódru chce so wo wjace studowacych z Ruskeje a z Ukrainy prócować a tak přinošować k dorozumjenju mjez krajomaj. To wozjewi amtěrowacy prezident Viadriny prof. Stephan Kudert spočatk tydźenja na nowinarskej konferency k zahajenju lětnjeho semestra.

Na najwuchodnišej wysokej šuli Němskeje pochadźa něhdźe štwórćina nimale 6 000 studowacych z wukraja. Najwjetše skupiny su pólska (435), turkowska (121) a ukrainska (108). Ruscy studenća słušeja k zastupjerjam dalšich wjace hač sto krajow ze wšěch pjeć kontinentow swěta, kotrež jónkrótne studentstwo Viadriny wučinjeja. „Uniwersity politiku nječinja, mamy pak lětdźesatki trajace nazhonjenja w swětawotewrjenosći kaž tež wědomostne ćežišćo nastupajo konfliktny management“, Kudert wuzběhny. Wšě­dny dźeń na Viadrinje so nimo toho jewi, zo studowacy porno statam, z kotrychž pochadźeja, mjez sobu žane problemy nimaja.

Krok po kroku postupować

Donnerstag, 12. April 2018 geschrieben von:

Zapodaš-li internetnu adresu www.krokpokroku.sorbischlernen.de, wočini so ći na wobrazowce spodobny a přehladny digitalny poskitk po barbje a pismje. Štóž chce, móže tam hnydom swoje mjeno zapodać.

Tola tež bjez toho móže zajimc pokro­čować. Nětko woli rěč, w kotrejž chce so po produkće pohibować. Tuchwilu hodźi so poskitk w němčinje a hornjoserbšćinje wotwołać, pozdźišo ma delnjoserbska warianta k tomu přińć.

Team je wažny

Donnerstag, 12. April 2018 geschrieben von:
Drježdźany (SN/MiR). Jan Budar, direktor Załožby za serbski lud, předstaji w Drježdźanach projekt „Serbšćinu online wu­knyć“. Kurs za jeje nawuknjenje měri so wosebje na młodostnych a dorosćenych bjez znajomosćow serbskeje rěče. Wón bazuje na zhromadnym europskim ramiku za přiswo­jenje rěčow. Tuchwilu poskitk, kotryž w hornjoserbšćinje předleži, měsačnje wjace hač 650 zajimcow wu­žiwa. Atraktiwny je kurs­ wosebje přez žiwe powědančko, w kotrymž dožiwjataj protagonistaj zajimawych ludźi a žiwjenske situacije. 80 comicowych wobrazow a mnohe awdionatočenja wutworjeja za wužiwarja jara praktiski poměr k serb­šćinje. Zjimajo swój přednošk Jan Budar podšmórny: „Wažne je sej wot wšeho spočatka za tajki projekt natwarić team fachowcow, kotřiž hromadźe dźěłaja.“

Poskitk rozšěrili

Donnerstag, 12. April 2018 geschrieben von:
Budyšin (SN/MiR). Wědomostnica Budyskeho Serbskeho instituta dr. Sonja­ Wölkowa zaběraše so z programom, kotryž namaka zajimc pod www.soblex.de. Mysleny je program za serbšćinu wuknjacych z předznajo­mo­sćemi. Soblex dalše programy za nawu­knjenje abo wužiwanje serbšćiny wu­do­społnja. Zakładny za­měr­, měć za hor­njo­serbšćinu awtomatiske přepruwowanje prawopisa, je mjeztym dawno roz­šěrje­ny. W lěće 2016 móžachu wosebje za wobłuk kwalitneje kontrole z přidatnych srědkow Załožby za serbski lud za nowe medije dalšeho sobudźěłaćerja w serbskej wědomostnej instituciji při­stajić. Mjeztym stej do Soblexa nimo modula za awtomatisku prawopisnu kontrolu zapřijatej morfologiski generator kaž tež móžnosć, serbskorěčne teksty analyzować.

Chcedźa čitać

Mittwoch, 11. April 2018 geschrieben von:

Budyšin (SN). Za lětuše 14. čitanske wubědźowanje Rěčneho centruma WITAJ je 23 dźěći přizjewjenych. Pod hesłom „Knihi su zastupny lisćik do raja fantazije“ wubědźuja so šulerjo 3. lětnika serbskich šulow a tajkich, kotrež po koncepće 2plus wuwučuja. Ludowe nakładnistwo Domowina je wospjet partner zamołwiteje za rěčne projekty w RCW Michaele Hrjehorjoweje. Wubědźowanje, kotrež ma zaměr, šulerjow hižo zahe k čitanju pohnuwać a jim bohatosć serbskeje literatury spřistupnić, budźe sobotu zaso w Budyskej Smolerjec kniharni.

W maćernorěčnej skupinje wobdźěli so dźesać šulerjow a 13, kotřiž wuknu serbšćinu jako druhu rěč. Wšitcy čitaja najprjedy před publikumom samowu­zwoleny tekst, kotryž su doma zwučo­wali. Maćernorěčni serbscy šulerjo čitaja na to dalši njeznaty tekst. Jury pod na­wodom wědomostneje sobudźěłaćerki RCW Manuele Smolineje přinoški wuhódnoći a najlěpšich čitarjow mytuje.

Nowy wupłód

Freitag, 06. April 2018 geschrieben von:

Budyšin (SN). Aktualny wupłód z wulkoprojekta Załožby za serbski lud „Serbska rěč w nowych elektroniskich medijach“ je nowa hornjoserbska prawopisna kontrola. Za projekt wužiwa załožba přidatne srědki ze Sakskeje, Braniborskeje a Zwjazka. Zajimcy móža sej wotpowědny internetny poskitk z internetneje strony www.soblex.de na swójski ličak, tablet abo smartfone składować. Wužiwar nowšich­ wersijow programoweho paketa Microsoft Office ma podatu instrukciju sćěhować.

Budyšin (SN/MiR). Šćebot a ćišina – to stej zjawaj, kotrejž tuchwilu na mjeztym druhim serbskim kursu Rěčneho centruma WITAJ w Budyšinje knježitej. Šćebot je słyšeć, hdyž ma 20 wobdźělnikow­kursistow składnosć, wo swojich nazhonjenjach powědać, abo swoje měnjenje zwuraznić. Ćišina knježi, su-li we fazy wuknjenja abo hdyž připosłuchaja. Tomu bě tež wčera popołdnju tak w redakciji Serbskich Nowin. Šefredaktor Janek Wowčer zamó šulerjow zapřijeć do rozmołwy wo wječorniku. We wólnej bje­sadźe woni trochowachu, kelko papjery je w běhu lěta za ćišć SN trěbneje. Wopytowarjo hódachu, hdźe najdalši čitar SN w papjerjanej formje bydli – něšto kilometrow před norwegskej sto­licu­ Oslo. Na to zwěsćichu, kelko přista­jenych Ludoweho nakładnistwa Domowina wšědnje za serbski dźenik dźěła – 14 jich je, a kelko hodźin trjebaja nowinu zdźěłać – mjenujcy něhdźe dźesać.

„Krok po kroku“ ze sakskej politiku

Mittwoch, 04. April 2018 geschrieben von:

Rěčny centrum WITAJ je předstajił wučbnicu „Serbsce DIGITALNJE krok po kroku wuknyć – prawopis a grama­tiku“. Na prezentaciju minjeny štwórtk w Drježdźanskej statnej kencliji bě wulka syła zajimcow přichwatała.

Drježdźany (SN/MiR). Sakski ministerski prezident Michael Kretschmer (CDU) bě sej tón dźeń poměrnje spontanje chwile wzał. Wón chcyše do oficialneje prezentacije nadrobnosće wo digitalnej wučbnicy a wo idejach jeje dalewuwića zhonić. Tak informowachu jeho mjez druhim nawodnica Rěčneho centrum WITAJ dr. Beata Brězanowa kaž tež jednaćel předewzaća KIDS interactive Daniel Broch­witz wo stawje wuwića a dalšim postupowanju digitalneje wučbnicy „Serbsce DIGITALNJE krok po kroku wuknyć – prawo­pis a gramatiku“. Na prezentaciji samej njemóžeše Kretschmer druhich terminow dla pódla być.

Anzeige