Dožiwimy na póstnicach w Kulowje serbsku baru? A zasłyšimy po žonjacym karnewalowym ćahu sobotu a róžowu póndźelu našu maćeršćinu? Na kóždy pad: Tuž do Kulowa!
Kulow (bl/SN). Hač we wulkej bróžni, w přetwarjenej garaži abo na starej žurli – we wšěch kutach Kulowa so šrubuje, moluje a pasli. Witać chcedźa póstniski kónc tydźenja a hač do přichodneje wutory zaso tysacy hosći, kotřiž w njeličomnych mjeńšich a wjetšich barach hejsuja.
