Pančicy-Kukow (BW/SN). Lipjo w Pančicach-Kukowje je dźensa runje tak idyliske kaž za čas Jakuba Barta-Ćišinskeho. Napadnje pak, zo je wjele městnow z młodymi štomikami zarosćenych. Tež krajinowy architekt Clemens Bejmak bě tole wjacekróć zwěsćił a so tohodla w swojim diplomowym dźěle tutej temje wěnował. Zawčerawšim wón čłonam Domowinskeje­ skupiny Pančicy-Kukow a dalšim přichwatanym swój koncept za zdźerženje Lipja pod aspektami pomnikoškita předstaji. Něhdźe 40 skupinarjow a zajimcow jemu­ připosłuchaše.