Wjes něhdy a dźensa

Montag, 27. August 2018
Artikel bewerten
(0 Stimmen)
Jedyn z najwjetšich wobrazow w Njeswačanskim swjedźenskim ćahu bě tón wobydlerjow Koslowa, kotřiž su historiske ratarstwo pola Serbow na jara originelne wašnje zwobraznili.  Foto: SN/Maćij Bulank Jedyn z najwjetšich wobrazow w Njeswačanskim swjedźenskim ćahu bě tón wobydlerjow Koslowa, kotřiž su historiske ratarstwo pola Serbow na jara originelne wašnje zwobraznili. Foto: SN/Maćij Bulank

Swjedźenski ćah wjeršk kónca tydźenja k 750. róčnicy Njeswačidła był

Njeswačidło (SN/MWj). Z pozawnowej a hońtwjerskej dujerskej hudźbu wuklinča wčera nawječor wulki swjedźeń k 750. róčnicy prěnjeho naspomnjenja Njeswačidła. Na třoch dnjach dožiwichu sta wopytowarjow wotměnjawy program, wobsahowacy wjacore wurjadne dypki. Tak je na hrodźe nětko přistupna wosebita wustajeńca k stawiznam wsy, kotruž běchu minjeny pjatk k zahajenju swjedźenja wotewrěli. Tohorunja pjatk woswje­ćichu 130lětne wobstaće dobrowólneje wohnjoweje wobory.

Do jubilejneho swjatka zapřijaty bě sobo­tu kóždolětny swětłowy swjedźeń, jako z něhdźe 3 000 swěčkami a smólnicami park na cyle wosebite wašnje wobswětlichu a tak wulkotnu atmosferu zaručichu. Popołdnju wustupi Serbski ludowy ansambl z interaktiwnej hudźbnej bajku „Překlepana liška“.

Veröffentlicht in Lokalka

Galerie

dalši wobraz (1) We wobrazu Njeswačanskeje wosady běchu widźeć holcy w drasće ewangelskich Serbow. Před nimi jědźeše model Njeswačanskeje cyrkwje z wosadnymi dujerjemi.
Bitte anmelden, um einen Kommentar zu posten

Anzeige