Hudźbne dopołdnjo na statoku

Montag, 27. August 2018
Artikel bewerten
(0 Stimmen)
Rychwałdscy dujerjo su wčera w Trjebinje zahudźili. Witała je jich předsydka Domowinskeje skupiny Angelika Balccyna (nalěwo).  Foto: Martina Arlt Rychwałdscy dujerjo su wčera w Trjebinje zahudźili. Witała je jich předsydka Domowinskeje skupiny Angelika Balccyna (nalěwo). Foto: Martina Arlt

Dujerska hudźba z kulinariskimi poskit­kami kombinowana je recept, kotryž na Šusterec statoku w Trjebinje hižo dlěši čas funguje. Tež wčera su zaso­ tójšto wopytowarjow přiwabili.

Trjebin (FAG/SN). Šusterec statok w Trjebinje je w kóždym počasu idyliske městno. Wjacekróć wob lěto tamniša Domowinska skupina pod nawodom Angeliki Balccyneje na mjeztym tradicionalne hudźbne njedźelne dopołdnjo přeproša. Wčerawše zarjadowanje bě takrjec do­časny narodninski swjedźeń, přetož jutře, 28. awgusta, by Hanzo Šuster 108. na­­rodniny swjećił. Tuž je sej Domowinska skupina tónraz Rychwałdskich muzikantow přeprosyła. Hudźbny cyłk móže mjeztym na 120lětne wobstaće zhladować. Do swojich programow kapała stajnje tež serbske štučki zapřijima. Te su čłonki Domowinskeje skupiny při mikrofonje sobu spěwali a so tak sobu wo dobru naladu starali.

Veröffentlicht in Lokalka
Bitte anmelden, um einen Kommentar zu posten

Anzeige