Etatowe diskusije w Zhorjelskim wo­krjes­nym sejmiku běchu minjene lěta často skerje tróšku depresiwneho razu. Srjedu móžeše za financy přisłušny přirjadnik krajneho rady Thomas Gampe z dwójnym etatom 2019/2020 prěni raz kameralistisce a překupsce widźane wurunany naćisk předstajić.

Zhorjelc (UM/SN). „Wobłukowe wuměnjenja su so polěpšili“, zwěsći Gampe. Sakska je wjace pjenjez zawostajiła, zo bychu kónčinowe korporacije dźěłakmane wostali. To zwuraznja so porno lětu­šemu we wo pjeć (2019) resp. dźewjeć procentow (2020) zwyšenych srědkach. To su wudźělene klučowe přepokazanki kraja runje tak kaž wot komunow pła­ćeny wokrjesny wotedawk. To wokrjesej zmóžnja swoje imensne wudawki zmištrować. Klětu wučinjeja wone 486, lěto pozdźišo 491 milionow eurow.