Zarjadniski dom chcedźa přetwarić

Mittwoch, 23. Januar 2019
Artikel bewerten
(0 Stimmen)

Róžant (SN/MWj). Najskerje z trochu brjušebolenjom, ale přiwšěm z dowidźenjom, jónkrótnu šansu wužić, su zastupjerjo pjeć sobustawskich gmejnow zarjadniskeho zwjazka Při Klóšterskej wodźe wčera w Róžeńće jednohłósnje wobzamknyli, běrowowy dom zarjadniskeho zwjazka w Pančicach-Kukowje přetwarić a saněrować dać.

Štož zdaše so minjene měsacy pobrachowacych spěchowanskich srědkow dla njemóžne, so potajkim tola zešlachći. Přičina je, zo we wobłuku sakskeho spěchowanskeho programa za witalne wsy hinak hač dotal nětko nadobo zarjadniske zwjazki spěchuja. Krótko do hód bě předsyda zwjazka Měrko Domaška tule informaciju na blido dóstał a dyrbješe spěšnje jednać. Zo njebychu žanu twarsku dowolnosć trjebali, rozsudźichu so, spočatnje planowaneho lifta w domje so wzdać.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND