Najebać deficit chce Hamorska gmejna tójšto inwestować
Hamor (AK/SN). Na ćežke hospodarske časy dyrbi so gmejna Hamor nastajić. To podšmórny komornik Ulrich Bänsch na zašłym posedźenju tamnišeje gmejnskeje rady. Z dwěmaj wzdatymaj hłosomaj su radźićeljo dwójny etat 2019/2020 wobzamknyli. Jeničce lětsa dyrbi komuna 408 000 eurow tak mjenowaneho dawka bohatych Swobodnemu statej Sakskej płaćić. Ale hižo minjene tři lěta dyrbješe gmejna energijowemu koncernej Vattenfall wjace hač 15 milionow eurow přemysłoweho dawka wróćić. Za to drje dóstachu wot Sakskeje wulke sumy powšitkownych klučowych připokazanjow. Tych pjenjez dla pak płaći Hamor nětko zaso jako „bohaty“.