Přihoty třećeho twarskeho wotrězka za B 96 so nachileja
Njeswačidło (JK/SN). Zwjazkowu dróhu B 96 chcedźa, po tym zo bu druhi twarski wotrězk w lěće 2014 zakónčeny, dale ponowjeć. Hišće zbywacy, dotal stary wotrězk mjez něhdyšim železniskim přechodom před Njeswačidłom hač ke křižowanišću w Holešowje budźe po tuchwilu předležacych planach bórze ponowjeny. Minjeny tydźeń je Budyski dróhotwarski zarjad tuž hišće raz z Njeswačanskej gmejnu projekt za třeći twarski wotrězk rozjimał.