Ze sydlišćom so bliže zaběraja

Mittwoch, 19. Juni 2019
Artikel bewerten
(0 Stimmen)
Iniciator Werner Bunk, předsyda domizniskeho towarstwa Andreas Trell a zapósłanc Sakskeho krajneho sejma Frank Hirche (CDU, wotlěwa) su wopomjatny kamjeń za bywše sydlišćo Borduc wotkryli.  Foto: Andreas Kirschke Iniciator Werner Bunk, předsyda domizniskeho towarstwa Andreas Trell a zapósłanc Sakskeho krajneho sejma Frank Hirche (CDU, wotlěwa) su wopomjatny kamjeń za bywše sydlišćo Borduc wotkryli. Foto: Andreas Kirschke

Zachować dopomnjenki na swojich prjedownikow, na hižo njeeksistowace wsy a sydlišća su wažny wobstatk našeje kultury. Po tym maja so tež w Drěwcach we Łazowskej gmejnje.

Drěwcy (AK/SN). „Neu Driewitz – Borduc – 1831–1900“ steji na wopomjatnym kamjenju. Tón dopomina na małe sydlišćo dwaj kilometraj južnje Drěwcow. „Direktnje při puću wot Lipiča do Drěwcow chcemy na tule městnosć skedźbnić a dopomnjenki přichodnym generacijam zachować“, rjekny čłon wjesneje rady Werner Bunk minjenu sobotu, jako kamjeń poswjećichu. Sydlišćo rěkaše serbsce Borduc, štož woznamjenješe „mała chójna“, rozłoži Werner Bunk. 1831 bě wone nastało. Wudwór a pjeć statokow tam něhdy mějachu. Hižo 1900 pak sydlišćo hospodarskich přičin dla spušćichu. „Najskerje bě to přemało wody dla“, praji wjesny předstejićer Frank Linge. Posledni póstowy zapřah je 1904 přez Borduc jěł. Wjace faktow (hišće) znate njeje. Nětko chcedźa so z tym zaběrać, čehodla swójby sem přićahnychu, kelko wobydlerjow tu bě, kajki bě jich wšědny dźeń, hač su serbsce rěčeli a kotre swójby to scyła běchu. „To chcemy z pomocu wobydlerjow wuslědźić“, Linge podšmórny.

Veröffentlicht in Lokalka
Bitte anmelden, um einen Kommentar zu posten

Anzeige