Maja nětko dźěl sydłow Allianz-areny

Mittwoch, 19. Juni 2019
Artikel bewerten
(0 Stimmen)
Kulow (AN/SN). Na dźensnišu srjedu su holcy a hólcy Kulowskeje wyšeje šule „Korla Awgust Kocor“ napjeće čakali. Tam su dopołdnja swoju mału „Allianz-arenu“ poswjećili. Jako loni Mnichowski stadion přetwarichu a dospołnje z nowymi stólcami wuhotowachu, zhoni bywša wučerka Kulowskeje šule připadnje wo tym, zo stare sydła Allianz-areny sportowym towarstwam předawaja. Nawodnica Kulowskeho kubłanišća so tuž prócowaše, dóstać 50 sydłow za šulske sportnišćo. A to je so jej tež poradźiło. Z pomocu města a někotrych priwatnych sponsorow móžachu nakup a transport financować. Nětko su stólcy wobstatk šulskeho sportnišća a běchu dźensa takrjec wjeršk sportoweho swjedźenja.

Veröffentlicht in Lokalka
Bitte anmelden, um einen Kommentar zu posten

Anzeige