Wot šibjeńcy k wotpočnišću

Mittwoch, 19. Juni 2019
Artikel bewerten
(0 Stimmen)
Ralf Hupka, Peter Beer a Lejna Herbergowa (wotprawa) zajimuja so za informacije na lipowym rondelu pola Nowych Błohašec.  Foto: Carmen Schumann Ralf Hupka, Peter Beer a Lejna Herbergowa (wotprawa) zajimuja so za informacije na lipowym rondelu pola Nowych Błohašec. Foto: Carmen Schumann

Nowe městno za přestawku při statnej dróze S 111

Nowe Błohašecy (CS/SN). Najwyše městno statneje dróhi S 111 mjez Budyšinom a Hodźijom pola Nowych Błohašec rěka w ludźe Šibjeńca. Hdźež je dźensa parkowanišćo z předawanišćom zakuskow, su něhdy woprawdźe ludźi wotprawili. W zwisku z twarom kolesowanskeje šćežki podłu statneje dróhi je krajny zarjad za dróhotwar a wobchad lipowy rondel na wonym městnje sporjadkował, mały schód natwarił a wjacore lipy sadźił.

Hodźijske domizniske towarstwo je sej předewzało na tymle městnje prawe wotpočnišćo wuhotować, hdźež móhli kolesowarjo pozastać a so wo stawiznach městna wobhonić. Tam dźě maš wulkotny wuhlad na hórski rjećaz na juhu. Minjene tydźenje nastajichu tam blido a ławce kaž tež informaciske tafle. Na dwěmaj z nich widźiš panoramu krajiny z mjenami horow. Dalšej tafli informujetej wo stawiznach wotprawnišća a wotpočnišća. Přełožk za serbskorěčnu taflu je dr. Sonja Wölkowa ze Serbskeho instituta wobstarała.

Veröffentlicht in Lokalka
Bitte anmelden, um einen Kommentar zu posten

Anzeige

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl