Bóšicy. Wětrowski oldtimerowy klub přewjedźe tutón kónc tydźenja lěćny swjedźeń ze zetkanjom starych jězdźidłow při bywšej Bóšičanskej kupjeli. Dźensa w běhu popołdnja su tam prěnje oldtimery dojěli. Jutře w 10 hodź. startuja wone na zhromadnu jězbu. Wokoło 15 hodź. dojědu do Wětrowa, hdźež jednotliwe jězdźidła předstaja. Wječor budu reje a w 23 hodź. přizamknje so wohnjostroj.

Zhromadnje spěwać

Budyšin. Zwjazk serbskich spěwarskich towarstwow přeproša na dalše zhromadne spěwanje, a to wutoru, 4. awgusta, we 18 hodź. w chórowej rumnosći Serbskeho ludoweho ansambla. Wšitcy zajimcy su wutrobnje witani.

Na nalěpki dźiwać