Přeproša do lěsneje kupjele

Freitag, 26. Juli 2019
Artikel bewerten
(0 Stimmen)
Runje tak kaž zašłu póndźelu tu w Pančicach-Kukowje změja tež w Kulowskej lěsnej kupjeli dwě hrajnišći. Tak da so hrajny čas kóždeje hry zaso wot pjeć na sydom mjeńšinow podlěšić.  Foto: Pětr Dźisławk Runje tak kaž zašłu póndźelu tu w Pančicach-Kukowje změja tež w Kulowskej lěsnej kupjeli dwě hrajnišći. Tak da so hrajny čas kóždeje hry zaso wot pjeć na sydom mjeńšinow podlěšić. Foto: Pětr Dźisławk

Lětuša bičwolejbulowa tura Radija Satkula je so 2. julija zahajiła. Hač do kónca awgusta hišće so mustwa na dohromady dźewjeć stacijach wubědźuja. W małej seriji­ jednotliwe hrajnišća předstajamy.

Kulow (SN/pdź). Jedna ze stacijow Satkula-bičtury běše před dwěmaj lětomaj Kulowc. Tam přichwata tehdy dźewjeć mustwow. Na kóncu přesadźi so Dwójna nula w finalnej hrě přećiwo Serbskej muri. Po jednym lěće přestawki zarjaduje Kulowska młodźina lětsa zaso staciju tury w swojej domiznje. Přichodnu póndźelu přeproša wšěch zajimcow do Kulowskeje lěsneje kupjele.

„Poprawom mějachmy planowane, zaso na hrajnišću w Kulowcu sportować“, rozprawja Wincenc Krječmar z Dubrjenka. „Tola tamniše hrajnišćo je wokomiknje w hubjenym stawje. Nimo toho maja w lěsnej kupjeli hnydom dwě bičwolejbulnišći.“

Veröffentlicht in Lokalka
Bitte anmelden, um einen Kommentar zu posten

Anzeige