Při předawarni tež kermušowali

Dienstag, 27. August 2019
Artikel bewerten
(0 Stimmen)
Něhdy bě Worklečanska kupnica jedne ze srjedźišćow wjesneho žiwjenja. Nětko je tu skerje ćicho. Foto: Alfons Handrik Něhdy bě Worklečanska kupnica jedne ze srjedźišćow wjesneho žiwjenja. Nětko je tu skerje ćicho. Foto: Alfons Handrik

Něhdy bě w nimale kóždej wsy naku­powanišćo, hdźež poskićachu twory wšědneje potrjeby. Runočasnje běchu to socialne centrumy, hdźež so wjes­njenjo rady k bjesadźe zetkawachu. W našej lětnjej seriji na něhdyše wjesne wob­chody dopominamy.

Dźensa: Worklecy (17)


Kaž na mnohich dalšich wsach tež we Worklecach dźensa wjace žadyn wobchod za twory wšědneje potrjeby nimaja. Před něhdźe 200 lětami bě to hinak. Po tym zo bě so Nowosličan Jakub Hórnik 19. meje 1829 z Hańžu Michałkec z Worklec woženił, je wón z pomocu přichodneju staršeju dom napřećo cho­row­ni kupił. Přewšo pilny Jakub Hórnik njeje jeno črije płatał, ale tež połtřeća hektara pola wobdźěłał. Nimo toho měješe wobchodźik z drobnymi tworami. Hórnikecom narodźi so 1830 holčka Madlena a 1833 syn Michał, kiž je nam dźensa jedna z najwuznamnišich wosobinow serbskeho narodneho a kulturneho žiwjenja 19. lětstotka.

Veröffentlicht in Lokalka

Galerie

dalši wobraz (1)
Bitte anmelden, um einen Kommentar zu posten

Anzeige