Wosebity muzej ludźi přiwabił

Mittwoch, 28. August 2019
Artikel bewerten
(0 Stimmen)
Wopytowarjo a wopytowarki mějachu so při zachodźe swjedźenišća do hóstneje knižki zapisać. Zdobom předawachu tam samozhotowjene plakety „600 lět Jatřob“ a swjedźensku brošuru, kotruž běchu domjacnosće do toho dóstali.  Foto: Axel Arlt Wopytowarjo a wopytowarki mějachu so při zachodźe swjedźenišća do hóstneje knižki zapisać. Zdobom předawachu tam samozhotowjene plakety „600 lět Jatřob“ a swjedźensku brošuru, kotruž běchu domjacnosće do toho dóstali. Foto: Axel Arlt

Jatřob (SN/at). Wjesny swjedźeń su Jatřobjenjo minjenu sobotu 600. róčnicy prěnjeho pisomneho naspomnjenja swojeje wsy wěnowali. Młodźi a starši wobydlerjo zetkachu so na Halamec statoku. Hospozy běchu słódne tykancy napjekli, pilni organizatorjo mału, ale powabnu fotowu wustajeńcu wo wjesnym žiwjenju zestajeli a za tombolu wulku ličbu mytow wobstarali.

Wobhladać móžachu sej wjesnjenjo kaž tež jich hosćo zwjetša z Wulkodubrawskeje gmejny runje tak nowiny kaž tež w němskej a serbskej rěči wušłe knihi a brošurki z minjenych 60 lět. Mjeńše dźěći molowachu z krydu na wjesnej dróze, a knježiła je lóštna wjesna zabawa.

Veröffentlicht in Lokalka
Bitte anmelden, um einen Kommentar zu posten

Anzeige