Budyšin (CS/SN). Michała Lorenca po­česćić by dawno hižo na rjedźe było, praje­še wčera Budyski wyši měšćanosta Alexander Ahrens (SPD) při zahajenju wosebiteho hodowneho wudaća rjadu „Łužiska literatura dopołdnja“. Hłowa sprjewineho města přepoda we wobłuku tradicionalneho zarjadowanja w Dźiwa­dle na hrodźe dźiwadźelnikej, režiserej a spisowaćelej Čestny wopon Budyšina, druhe najwyše wuznamjenjenje města po čestnym wobydlerstwje.