Ratarstwu čas žiwjenja swěrny wostał

Freitag, 16. Oktober 2020
Artikel bewerten
(0 Stimmen)
Beno Čóška před stadłom 14 kruwow a jědnaće ćelatow na pastwje za Ralbicami Foto: Alfons Handrik Beno Čóška před stadłom 14 kruwow a jědnaće ćelatow na pastwje za Ralbicami Foto: Alfons Handrik

Wjele lět hižo so na Ralbičanskim Čóškec statoku z ludźimi mjerwi, hdyž tam swinjo rězaja. Dźensa pak njejsu ludźo po słódnu domjacu kołbasu přišli, ale zo bychu Benej Čóšce k 80ćinam zbožo a Bože žohnowanje wupřeli.

Jubilar narodźi so 16. winowca 1940. Jeho kolebka steješe w drjewjano-hlinjanym statoku njeposrědnje za wěžu Ralbičanskeje cyrkwje, kotraž bu kónc Druheje swětoweje wójny 27. apryla 1945 zničena. Tež Čóškec statok so tehdy wotpali. Hakle jako so nan jubilara 1948 z wójnskeje jatby wróći, započachu sej Čóškecy na kromje wsy za kěrchowom nowy třistronski statok twarić. Tehdyši farar Jakub Žur so wo to postara, zo na bywšej Čóškec ležownosći kěrchow powjetšichu a tam pozdźišo ćěłownju natwarichu.

Veröffentlicht in Jubilar
Bitte anmelden, um einen Kommentar zu posten

Anzeige