Wěži matej zaso kulu a křiž

Mittwoch, 25. November 2020
Artikel bewerten
(0 Stimmen)
Na wjeršku sewjerneje nabóčneje wěže drje dźensa dopołdnja chětro jěry wětřik hwizdaše. Pozłoćanej kula a křiž pak so w schadźacym słóncu rjenje zybolištej.  Foto: Feliks Haza Na wjeršku sewjerneje nabóčneje wěže drje dźensa dopołdnja chětro jěry wětřik hwizdaše. Pozłoćanej kula a křiž pak so w schadźacym słóncu rjenje zybolištej. Foto: Feliks Haza

Z ponowjenymaj cyblomaj saněrowanje třěchi cyrkwje wotzamknjene

Chrósćicy (SN/MWj). Byrnjež chětro zymny a jěry bě dźensa dopołdnja w Chrósćicach přiwšěm swjatočny a tež historiski wokomik. Horstka Chróšćanow mjenujcy sobu dožiwi, kak twarscy dźěłaćerjo najprjedy na sewjernu a potom na južnu nabóčnu wěžu pozłoćanu kulu a swjaty křiž připrawichu. „Z tym je hač na někotre maličkosće cyłkowne ponowjenje třěchi farskeje cyrkwje wotzamknjene“, rjekny farar Měrćin Deleńk.

Na małym nyšporje bě wón do toho kulu a křiž za sewjernu wěžu požohnował. Zhotowił bě jej Jasčanski kowar Michael Kaczmar. Pozłoćił je jej Rjenčec předewzaće z Dobrošic. W zašłych štyrjoch měsacach dóstaštej wobě wěži nowu cyblu z drjewa a kopora.

Veröffentlicht in Lokalka

Galerie

dalši wobraz (1) Na nyšporje je farar Měrćin Deleńk kulu a křiž za sewjernu nabóčnu wěžu kaž tež kapsli z dokumentami požohnował.
Bitte anmelden, um einen Kommentar zu posten

słowo lěta 2020

Anzeige