Inwestuja do woborow

Mittwoch, 02. Dezember 2020
Artikel bewerten
(0 Stimmen)

Spěchowanske přizwolenje za hašenske jězdźidło wčera dóšło

Slepo (AK/SN). Nowotwar Rownjanskeje wohnjowoborneje gratownje je w kónčnej fazy. To rjekny twarski nawoda gmejny Slepo Steffen Seidlich na wčerawšim posedźenju gmejnskeje rady. „Tuchwilu dźěłaja tam molerjo, tepjenjotwarcy, ­suchotwarcy a kachlicarjo. Přichodny ­tydźeń přińdu elektrikarjo“, Seidlich ­roz­łoži. Runočasnje twarja wonkowne připrawy.

Gratownja ma klětu hotowa być. W njej budźe městno za nowe hašenske jězdźi­dło TLF 4 000, kotrež financuja ze swójskimi srědkami gmejny a ze spěchowanjom Zhorjelskeho wokrjesa. Runje wčera je spěchowanske přizwolenje dóšło, informowaše komornica Carmen Petrick. Tak móža woborne jězdźidło zapłaćić.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND