Z nowym garnizonowym městom móhli nowi wobydlerjo přićahnyć

Trjebin (AK/SN). Zo móhło so město Běła­ Woda z garnizoniwym městom stać, toho nadźija so tež Trjebinska gmejna. To podšmórny wjesnjanosta Waldemar Locke (CDU) na zašłym posedźenju gmejnskeje rady. „31. měrca podpisaštaj zakitowanska ministerka Annegret Kramp-Karrenbauer a sakski ministerski prezident Michael Kretschmer (wobaj CDU) wotpowědne dojednanje. 2023 ma so doskónčnje rozsudźić, hač so Běła Woda­ z garnizonowym městom stanje. To by woznamjenjało, zo so hač do tysac wojakow w regionje dołhodobnje zaměstni“, praji Locke. „Zo so tónle wotpohlad podpisa, je měznik za našu po strukturje słabu kónčinu.“