Maja nětko budku z taflomaj

Dienstag, 31. August 2021
Artikel bewerten
(0 Stimmen)
Škitnu budku su minjenu sobotu při kamjenju za geografiske srjedźišćo sakskeho serbskeho sydlenskeho ruma w Drěwcach přepodali.  Foto: Andreas Kirschke Škitnu budku su minjenu sobotu při kamjenju za geografiske srjedźišćo sakskeho serbskeho sydlenskeho ruma w Drěwcach přepodali. Foto: Andreas Kirschke

Drěwcy (AK/SN). K pozastaću a posydnjenju přeprošuje wot minjeneje soboty nowa škitna chata w Drěwcach (Driewitz) we Łazowskej gmejnje. Natwarili su ju při kamjenju za geografiske srjedźišćo serb­skeho sydlenskeho ruma Sakskeje. Nimo ławki a blida stej w budce infor­maciskej tafli, wobě serbsce a němsce popisanej. Jednu stej Drěwčanska wjesna rada a tamniše domizniske towarstwo wo wjesnych ­stawiznach wuhotowałoj. Tamnu je Domowina zestajiła. Na njej roz­łožuja sakski serbski sydlenski rum a žiwjenje Serbow wokoło Wojerec. Wobsahowe wuhotowanje na starosći měje­štaj regionalna rěčnica Domowiny Sonja Hrjehorjowa a rěčnik třěšneho zwjazka Marcel Brauman. Kartu sydlenskeho ruma zhotowił je ­Julian Nyča. Přepodali su chatu we wobłuku Drěwčanskeho wjesneho swjedźenja.

Veröffentlicht in Lokalka
Bitte anmelden, um einen Kommentar zu posten

Anzeige