Za předstajenje knihi so přizjewić

Montag, 18. Oktober 2021
Artikel bewerten
(0 Stimmen)

Budyšin. „Region njewěstoty? Podkarpatská Rus 1918-1938 a wěstotne diskursy w historiskim slědźenju wo mjeńšinach“ rěka hesło zarjadowanja Serbskeho instituta, kotrež přewjedu štwórtk, 21. oktobra, w 15 hodź. w Budyskim Kamjentnym domje. Ze załoženjom Čěskosłowakskeje 1918 bu region wokoło Užhoroda (dźensniša Ukraina) pod po­mjenowanjom Podkarpatská Rus dźěl no­weho nacionalneho stata. Wosebitosć regiona njebě jenož jeho periferne po­łoženje. Hladajo na zestawu ludnosće, słabu infrastrukturu a połoženje při hranicy płaćeše wón jako faktor njewěstoty. Statne jednanje w regionje přewodźachu mnohe diskursy wo wěstoće. Zarjadowanje poćahuje so na lětsa wušłu knihu „Fremde Peripherie – Peripherie der Unsicherheit? Sicherheitsdiskurse über die tschechoslowakische Provinz Podkar­pat­ská Rus (1918–1938)“ a skići składnosć, wo wěstotnych diskursach w mjeńšinowym slědźenju rěčeć.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND