Nješćěpjenym njewupowědźa

Mittwoch, 26. Januar 2022
Artikel bewerten
(0 Stimmen)

Połoženje Wojerowskeho jězorinoweho klinikuma w času koronapandemije bě wčera jedna tema posedźenja tamnišeje měšćanskeje rady. Wone bu prěni raz jako livestream wusyłane.

Wojerecy (AK/SN). Koronowa pandemija lěkarjow a hladanske mocy we Wojerowskim jězorinowym klinikumje hižo měsacy dołho wulce poćežuje. To podšmórny wčera nawodnica hladanskeje słužby Birgit Wolthusen na posedźenju radźićelow města nad Čornym Halštrowom. Wolthusen kaž tež jednaćel klinikuma Mirko Papenfuß a šeflěkar dr. Heiko ­Sahre rozłožichu jim aktualne połoženje. „Koronapandemija je psychisce a mentalnje wulke wužadanje hladanskim mocam. Štož smy dožiwili, je naše předstawy přetrjechiło“, rjekny Birgit Wolthusen. „Naši sobudźěłaćerjo su wjele pacientow zemrěć widźeli. Druhdy samo štyrjoch do šesćoch wob dźeń. Mnozy z přistajenych wulce wo tym njerěča. Někotři chodźa na psychoterapiju, druzy poćežowanjow dla schorja.“

Veröffentlicht in Lokalka
Bitte anmelden, um einen Kommentar zu posten

Anzeige