Česći sej slědźenje serbskeho pčołarja

Donnerstag, 30. Juni 2022
Artikel bewerten
(0 Stimmen)
Žadyn čłowjek njeby chcył tak žiwy być kaž to často pčołkam w zymje přicpěwamy, měni pčołar Günter Sodan. Tuž je swojim pčołkam derje izolowane nowe kołće natwarił, hdźež so insekty jara derje čuja. Carmen Schumann Žadyn čłowjek njeby chcył tak žiwy być kaž to často pčołkam w zymje přicpěwamy, měni pčołar Günter Sodan. Tuž je swojim pčołkam derje izolowane nowe kołće natwarił, hdźež so insekty jara derje čuja. Carmen Schumann

Hłowny wukon pčołkow njeleži w produkciji mjedu, ale w popróšenju kćenjow

Ze swojeje „ranch“, kotraž leži trochu na hórce, ma Günter Sodan krasny pohlad na Budyšink. Z wjesku w Malešanskej gmejnje jeho wosebity poćah zwjazuje, a to w dwojim nastupanju: Jako bywši wjesnjanosta Malešanskeje gmejny postara so Günter Sodan wo to, zo bu najwuznamniši syn Budyšinka, Serb Hadam Bohuchwał Šěrach, na wosebite wašnje počesćeny. Po tym zo běchu lěta 2001 bywše składźišćo tamnišeho ryćerkubła na wjesny kulturny centrum přetworili, da komuna na namjet swojeho tehdyšeho wjesnjanosty na nim wopomnjensku taflu připrawić, kotraž bu 4. meje 2002 – potajkim nimale před 20 lětami – poswjećena. Šěrach njebě sej we 18. lětstotku jenož jako spisar serbskich wučbnicow a wědomostnych spisow mjeno stworił, ale zdoby sej samo mjezynarodne mjeno jako pčołar a slědźer. Wón wozjewjowaše knihi a dalše wědomostne spisy wo pčołarstwu a za­ło­ži w lěće 1768 w Budyšinku prěnju pčołarsku šulu. A to je druha runina, na kotrejž so Günter Sodan z Budyšinkom a wulkim synom tejele wsy zwjazany čuje.

Veröffentlicht in Lokalka

Galerie

dalši wobraz (1) Tójšto wědy wo pčołkach je sej Sodan z knihi Bernharda Heuvela „Bienen im Kopf“, wjele wědy pak je sej tež sam přiswojił. Tu by rady tež młodym dale dał.
dalši wobraz (2) Na kóždej ze swojich mjedowych škleńcow Güntera Sodana je banderola z portre tom a jeho žiwjenskimi datami serbskeho pčołarja a slědźerja wo pčo łarstwje Hadama Bohuchwała Šěracha, na kotrehož 250. posmjertniny klětu zhladujemy.
Bitte anmelden, um einen Kommentar zu posten

Anzeige