Něchtóžkuli snano minjene tydźenje do toho wěrił njeje, zo nowe wjesne srjedźišćo w Němcach kaž planowane hišće lětsa dotwarja. Nětko pak tak daloko je, zo móža je přichodny tydźeń zjawnosći přepodać.

Němcy (SN/MWj). Wobydlerjo Němcow smědźa so lětsa na wosebje rjany hodowny dar wjeselić. Wot junija je tam wjesne srjedźišćo nowy wonkowny wobraz dóstawało. Přichodnu wutoru, 13. decembra, chcedźa ponowjenu nawjes w 15 hodź. zjawnosći přepodać, kaž Wojerowske měšćanske zarjadnistwo w nowinskim wozjewjenju zdźěli.