Přiwuzni smědźa swojich zemrětych na pohrjebnišću dale wopytać

Trjebin (CK/SN). Hladajo na pokročowace přesydlenje Miłoraza zawru tamniše pohrjebnišćo na kromje wsy. Tole je wjetšina gmejnskich radźićelow na zašłym posedźenju z napřećiwnymaj hłosomaj schwaliła. Wotnětka so tuž w Miłorazu hižo žane pohrjeby njepřewjedu. Hewak by k tomu dóšło, zo dyrbjeli zemrětych hižo za mało měsacow zaso přepołožić. Z česćownosće před zemrětymi pak ma so tole wobeńć.